Coronavirus: Yadda attajiran Nigeria suke bayar da tallafi kan yaki da cutar

China, inda ta kashe dubban mutane kafin ta yadu zuwa sauran sassan duniya, mutane daban-daban ke yin kira ga attajirai da 'yan kasuwa masu zaman kansu da ma manyan kamfanoni, su bayar da gudunmawa domin yaki da cutar.

Ya zuwa ranar Juma'a 27 ga watan Maris na 2020, alkaluma daga Jami'ar Johns Hpkins da ke Amurka, sun nuna cewa fiye da mutum 558,00 suka kamu da cutar yayin da sama da mutum 25,251 suka mutu.

A Najeriya, ya zuwa ranar Juma'a, cibiyar yaki da cutuka ta kasar ta tabbatar cewa mutum 81 ne suka kamu da koronabairus, uku sun warke, yayin da daya ya mutu a kasar.

gudunmawar biliyoyin naira domin yaki da cutar.

Attajirai irin su Aliko Dangote, Femi Otedola, Abdulsamad Rabiu, Herbert Wigwe da kuma, Segun Agbaje ko wannensu ya ba da gudunmawar naira biliyan daya don a dakile koronabairus

Alal misali, mai kamfanin BUA Group, Abdul Samad Rabiu, wanda ya wallafa a shafinsa na Twitter, ya kara da cewa baya ga kudin, kamfaninsa ya bayar da kayan aiki da suka hada da injina da na'urorin gwaji da sauransu ga jihohi 9 na kasar.

Hakan ne ya sa hukumomin lafiya da gwamnatoci da ma daidaikun mutane ke yin kira a fitar da kudi da kayan aiki domin dakile koronabairus.

A wani bangaren kuma, ana yin kira ga attajiran da sauran masu wadata su tallafa wa marasa karfi da kayan abinci da abubuwan more rayuwa da ma kudade a yayin da gwamnatoci suke umartar 'yan kasar su zauna a gidajensu don hana baza cutar.

Attajirai irin su Bill Gates, mai kamfanin Microsoft; da Jack Ma, mai kamfanin Ali Baba; da Elon Musk, mamallakin kamfanin motocin Tesla na cikin mutanen da suka bayar da tallafin biliyoyin dalar Amurka da kuma kayan aiki domin yaki da annobar.

Coronavirus a Najeriya: Hanyoyi 4 na kare kai daga cutar

                                    

Mun soma wallafa wannan labari ranar 28 ga watan Fabrairu. Ku latsa alamar lasifika da ke sama domin sauraren hira da Dr. Nasiru Sani Gwarzo kan yadda za ku kauce wa kamuwa da coronavirus:

Hukumar Lafiya ta Duniya ta bayyana matakan da mutane za su dauka domin kauce wa kamuwa da cutar numfashi ta coronavirus.

Yaya zan kare kaina daga cutar?

Hukumar Lafiya ta Duniya ta ce:

■ Ku wanke hannayenku da sabulun gargajiya ko sabulun ruwa da ake wanke hannu da shi, wato hand gel, wanda zai iya kashe kwayoyin cuta

■ Ku rufe hanci da bakinku lokacin da kuke yin atishawa da kyallen fyace majina - sannan ku wanke hannayenku bayan kun yi atishawa domin hana kwayoyin cutar yaduwa.

■ Ku guji taba idanunku, ko hanci ko bakinku- idan hannunku ya taba wurin da cutar ta shafa, za ta iya yaduwa zuwa sauran sassan jikinku.

■ Kada ku rika matsawa kusa da mutanen da ke yawan atishawa ko tari da masu fama da zazzabi - za su iya watsa cutar cikin iska ta yadda ku ma za ku iya kamuwa da ita. - akalla ku matsa nesa da su ta yadda tazarar da ke tsakanin ku za ta kai kafa uku.